Во Египет денеска започна гласањето за половина од пратениците во 14 од 27 провинции, а изборите ќе траат до недела вечер.

Право на глас имаат 63 милиони граѓани, а резултатите ќе бидат објавени на почетокот на декември, по изборите на кои ќе биде избрана втората половина од пратениците.

Денеска и утре, граѓаните ќе изберат половина од 568 пратеници од над 4.000 кандидати во 14 од 27 покраини.

Египетските граѓани кои живеат во странство веќе гласаа претходно оваа недела.

Во преостанатите 13 провинции, гласањето ќе се одржи на 7 и 8 ноември, кога граѓаните ќе ја изберат другата половина од пратениците од над 1.100 кандидати.

По секоја фаза на гласање, по потреба ќе се одржи втор круг на избори.

Египетскиот претседател Абдел Фатах ал Сиси ќе назначи 28пратеници или пет проценти од нивниот вкупен број, кој ќе се зголеми на 596.

Конечните резултати ќе бидат објавени во декември, а новото собрание ќе ја одржи својата основачка седница набргу потоа.

Изборите се одржуваат во време кога Египет забележа мало зголемување на бројот на заразени со коронавирусот, додека властите предупредуваат дека земјата наскоро ќе се соочи со вториот бран на пандемијата.

На гласачите бесплатно ќе им бидат дадени заштитни маски, додека избирачките места ќе бидат дезинфицирани