Во домот на Натали Портман (ФОТО)
Куќата на оскаровката, што се простира на 730 квадратни метри и што е лоцирана во местото Монтесито, е проектирана од страна на архитектот Бартон Маерс.
Домот на актерката Натали Портман во Калифорнија е олицетворение на суптилна елеганција, која чини 6,5 милиони долари. Имотот е изграден од челик, стакло и бетон, има модерен и неутрален декор со најсовремена кујна, спа-стил бањи и прекрасна градина.
Куќата на оскаровката, која таа со својот сопруг Бенџамин Милпејд и двете деца ја користат како дом за периодот кога се на одмор, се простира на 730 квадратни метри и што е лоцирана во местото Монтесито, е проектирана од страна на архитектот Бартон Маерс.
Во неа има четири спални соби, пет бањи и извонредна кујна. На една страна овој дом во целост се отвора кон околната, совршено уредена природа.
Ентериерот во домот и изведен со загасена палета на бои со бројни класични парчиња како персиски килими, мудро избрани декоративни предмети и преубави парчиња на мебел.
Отворениот распоред ги спојува просторот за дневен престој, кујната и помало катче за дружење во една просторија, чиј што заден ѕид е застаклен и може целосно да се отвори.
Иако самото уредување е елегантно и остава впечаток на комфор и удобност, токму погледот на Тихиот Океан е најубавиот детаљ на куќата на холивудската актерка. Натали Портман може да ужива во поглед на преубавата морска панорама од сите главни простории во куќата.