Во Дебар се спроведува втор круг на локалните избори, избирачките места отворени на време

Избирачки списоци / Фото: МИА

Во Општина Дебар, каде денеска се спроведува втор круг од изборите за градоначалник, гласачките места се отворени навреме и гласањето се одвива непречено.

– Гласачките места се отворени во седум часот. Гласањето во Општина Дебар се спроведува во 27 гласачки места, од кои 22 се во градот, две во село Могорче и по едно во селата Џепиште, Горно и Долно Косоврасти. Во единствениот избирачки список се запишани 19.211 лица, а во првиот круг гласаа околу 42 отсто, изјави претседателот на Општинската изборна комисија – Дебар, Рилинд Хаса.

Вчера, додава тој, своето граѓанско право на глас го остварија 60 болни и изнемоштени лица.

Дебар е единствена општина во земјава, каде денеска се спроведува втор круг на локалните избори.

Во првиот круг ниту еден од кандидатите не го обезбеди потребниот цензус за победа, а на 31 октомври беше повторено гласањето во едно гласачко место.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот