Во чест на новинарот Мирослав Лазански наречено новото возило на српската војска
Денеска пред српската јавност беше претставено новото мултифункционално возило на српската војска, кое го доби името по починатиот воен коментатор и амбасадор на Србија во Русија Мирослав Лазански
.
Возилото беше прикажано на 10 -тиот Меѓународен саем за оружје и воена опрема „Партнер 2021“ на саемот кој се одржува во Белград.
Претседателот на Србија, Александар Вучиќ, официјално го отвори Меѓународниот саем за оружје и воена опрема „Партнер 2021“ и беше информиран за карактеристиките на новото возило на српската армија. Тој го обиколи саемот и воената опрема што беше изложена таму, а му се придружија синот и сопругата на неодамна починатиот Лазански.
На борбеното возило е ставен и потписот на Мирослав Лазански
Возилото „Лазански“, по изглед и функции, спаѓа во кругот на борбени возила со погон на осум тркала. Може да собере до 13 седишта.
Инаку , Мирослав Лазански, по кого е наречено новото оклопно возило, почина во август на 71 -годишна возраст. Тој беше новинар, воено-политички коментатор, аналитичар, писател и дипломат.
