Во дворот на основното училиште „Живко Брајковски” на местото на разрушениот и пропаднат објект ќе никне нов рекреативен центар со нов плоштад, нов парк и детски содржини.

– На 2000 м2 ќе се протега новиот парк, а новиот плоштад на 500 м2. Покрај тоа новиот рекреативен комплекс ќе содржи и детско катче за најмладите, нова пешачка патека која ќе го поврзува плоштадот со училиштето, зеленило и ново осветлување. За прв пат ќе се изгради и амфитеатар кој ќе можат граѓаните да го користат, но и сите ученици за разни манифестации – вели градоначалникот Дарко Костовски.

Според него ова било барање на жителите на населбата Бутел 1, кое наскоро ќе се реализира, а со тоа ќе го нема повеќе ниту запуштениот, разурнат објект кој ја нарушуваше безбедноста на граѓните.