Најтешка ситуација како резултат на пандемијата со Ковид-19 во светот моментално е во Бразил, каде веќе има над 70.000 смртни случаи, а во последните 24 часа во оваа земја како последица на овој вирус починаа 1.214 лица.

Втората најнасеелена австралиска држава, Викторија, соопшти информација за најголемо зголемување на бројот на новозаразени со Ковид-19 и предупреди дека состојата дополнително ќе се влошува.

Во оваа држава на сила стапи мерката целосен карантин во времетраење од шест недели.

Целосен карантин е воведен поради загриженоста дека локалната трансмисија на болеста го предизвикала вториот бран на пандемијата.

Властите дотогаш поголемиот дел од новозаразените ги препишуваа кај лица кои се враќаат од странство.

Државата Викторија бележи 216 нови случаи со коронавирус во последните 24 часа, што е помалку од претходниот ден, кога имаше 288 новоинфицирани, но се уште станува збор за најголем раст на бројот на заразени вокој било дел од земјата откако е започната пандемијата.