Од денеска во БИХ важат новите малопродажни цени на цигарите Камел, Винстон, ЛД и Собрание. Цената на кутија цигари во просек ќе се зголеми за 0,20 конвертибилни марки.

Согласно Одлуката за утврдување на специфична и минимална акциза за цигари и акциза за тутун за пушење во 2025 година, која беше донесена од страна на Управниот одбор на Управата за индиректно оданочување на почетокот на декември 2024 година, по пакет цигари се плаќаат следните акцизи: пропорционална акциза по стапка од 42% од малопродажната цена на цигарите специфична акциза во износ од 82,50 км за 1.000 парчиња или 1,65 км за пакување од 20 парчиња.

Доколку вкупната акциза на цигарите (пропорционална + специфична), која се пресметува според горенаведените стапки, е помала од минималната акциза, тогаш се плаќа минимална акциза која во 2025 година изнесува 3,58 КМ по кутија цигари. Бидејќи сите кутии цигари што се продаваат на пазарот во БиХ веќе имаат вкупна акциза повисока од минималната, немаше причина да се зголемат малопродажните цени на цигарите од почетокот на 2025 година, пишува Кликс.ба.