Англиската фудбалска лига во вторникот започна петиција, чија цел е да ги „натера“ властите во Велика Британија да дозволат враќање на навивачите на стадионите. Ваквата информација ја сподели и актуелниот премиерлигашки шампион, Ливерпул.

Фановите поради и натаму актуелната пандемија на коронавирус немаат дозвола за враќање на стадионите, иако веќе гледаме во некои земји како одреден капацитет од трибините на спортските натпревари е исполнет со гледачи.

Премиер лигата, секогаш возбудлива, една од најинтересните фудбалски лиги светот, а самата атмосфера која ја прават навивачите само ја исполнуваат целосната слика на натпреварите.

Petition: Allow football fans to attend matches at all levels.#EFL | #LetFansIn https://t.co/ooZWFGpYW3

— E F L (@EFL) October 6, 2020

И во новата сезона гледаме празни трибини на стадионите во Англија, но денеска повторно се крева, односно се враќа темата за враќање на фановите.

А празни трибини значат и проблеми особено за нисколигашките клубови кои се борат со финансиските проблеми.

Англиската фудбалска лига (ЕФЛ), организаторот на натпреварувањето во Чемпионшип, Лига 1 и Лига 2, стартуваа во вторникот петиција со цел да ги убедат британските власти да се вратат навивачите на трибините.

An open letter to supporters from the @premierleague, @FA and @EFL.

— Liverpool FC (@LFC) October 6, 2020

– Фудбалот е моќна алатка која носи голем број на добри работи како што се вработување за голем број луѓе, но исто така влијае на животот на луѓето и на други начини. Фудбалот е поврзан со страст, емоции, возбуда, посветеност. Присуството на навивачи на трибините носи и добри работи – се вели во пораката на ЕФЛ, меѓу другото.

Клубовите од ЕФЛ ги потсетуваат своите навивачи да се приклучат на потпишувањето на петицијата, а какви резултати ќе има, останува да видиме.