Внуката на Тачи го нападна Харадинај
Внуката на косовскиот претседател Хашим Тачи, Евгени Тачи, која е и пратеничка, го „нападна” поранешниот косовски премиер Рамуш Харадинај. Тачи го нарече Харадинај дезертер и кукавица, пренесува Газета Експрес.
Преку постирање на Фејсбук, Тачи рече дека нема да ја остават земјата во рацете на саботерите на процеси и уништувачите на институциите.
– Само за една работа не сме подготвени: државата, која народот на Косово ја градеше со толку многу жртвување, да ја оставиме во рацете на саботерите на процесите, уништувачите на институциите, политичките анемичари, на дезертерите и кукавиците. Никогаш – напиша Тачи.
Инаку, Евгени Тачи е ќерка на Гани Тачи, братот на косовскиот претседател Хашим Тачи.