ВНИМАВАЈТЕ: По новиот автопат низ Грделица нема да можете да возите побрзо од 100 км/ч
Она што е извесно, а поврзано со делницата на автопатот Коридор 10 е дека брзината на движење на возилата е ограничена на 100 километри на час на самиот пат, односно 80 км/ч во тунелите, иако минатата година на сила стапи законот според кој брзината на движење на автопатите во Србија е зголемена на 130 км/ч.
„Наведеното ограничување на овој дел од автопатот е такво поради безбедност на сите патници, бидејќи станува збор за најтешка делница која се состои од 36 мостови, 2 најголеми тунели, а самата траса на автопатот во неколку наврати поминува од едната на другата страна на Јужна Морава, премостувајќи го магистралниот и регионалниот пат, како и меѓународната железничка пруга“, велат во „Коридорите на Србија“.
Како што додаваат, споменатата делница на автопатот низ Грделичката клисура проектирана е за брзина на отворената траса, поради сложените теренски услови во Грделичката клисура.