Внимавајте, отровни се! Кои цвеќиња не треба да ги имате дома (ФОТО)
Секој од нас во домот има декоративни растенија, кои можеби и не би требало да ги имаме доколку сме со мали деца дома или доколку чуваме милениче. Сепак ако не можете да се откажете од нив, тогаш бидете многу внимателни. Некои билки се многу отровни.
Особено чувствителни на нивните листови, гранки па и корења, се децата помали од шест години.
Затоа, доколку во вашиот дом препознаете некое од овие декоративни растенија, час поскоро извадете ги во двор или на тераса.
Доколку пак ви се случи вашето дете или милениче да скине и да стави во уста делови од овие отровни билки и притоа се посомневате на труење, итно побарајте лекарска помош и никако немојте да се обидувате сами да го лекувате.
ОЛЕАНДЕРОТ е цвеќе кое е познато како отров за срцето. Доколку детето голтне дел од цветот или од лисјата, се јавуваат проблеми со крвотокот, аритмија, мачнина, повраќање и пролив. Олеандарот е посебен по тоа што баш секој негов дел е отровен – дури и случајното вдишување на чадот од запален олеандер може да предизвика здравствени проблеми. Олеандерот може да има цветови во бела, розова и црвена боја, па е посебно привлечен за детските рачиња. Меѓутоа, доволен е само еден цвет за да дојде до труење.
ЖОЛТИОТ НАРЦИС е едно од поотровните цвеќиња кои можете да ги поседувате. Кај ова растение, најотровен е коренот. Иако изгледа прекрасно, размислете двапати пред да го посадите. Ако се посомневате дека вашиот миленик копал во земјата и каснал дел од коренот, веднаш однесете го на ветеринар. Првите знаци на труење се дијареја, повраќање, грчеви и аритмија.
ДОМАШНАТА ЈАГЛИКА е растение кое со своите влакненца на кората остава црвени траги кои предизвикуваат чешање а понекогаш се јавуваат и меурчиња. Доколку детето или миленичето касне дел од јагликата ќе почне да повраќа и тогаш треба да му се даде многу вода за да се намали концентрацијата на отровот.
ФИКУСОТ е растение кое го има во многу домови. Оваа популарна собна билка, која не е толку отровна – во контакт со кожата може да предизвика чешање и печење, а во случај на проголтување и чешање на грлото. Помага испирање со ладна вода.
РОДОДЕНДРОН е растение со прекрасни цветови кои се совршени за вашиот двор, но бидете посебно внимателни ако го насадите. Ако случајно дојде до консумација на цветот настанува труење со болка во стомакот, потешкотии во дишењето, парализа, па дури и кома.
ХОРТЕНЗИЈА е цвеќе кое поради својата убавина, мами на прв поглед. Сепак бидете особено внимателни, затоа што ова цвеќе содржи големи количества на опасен отров цијанид. Луѓето и животните би требало да изедат голема количина од ова цвеќе за да дојде до труење, но сепак, зошто би ризикувале?
ФИЛАНДЕНДРОНОТ е цвеќе чии листови може да ја иритираат кожата и устата. Ако се стави во устата, може да дојде до отежнато дишење, отекување на грлото и проблеми со стомакот.