Внимавајте: Лажна објава за помош на бебе се шири на социјалните мрежи
На социјалната мрежа Фејсбук деновиве извесна Радица Динев споделува апел за помош на самохрана мајка чиешто бебе се бори за живот во клиничката болница Систина. Според објавата, третманите за бебето се многу скапи и тоа е причината поради која се повикуваат граѓаните да донираат пари.
Со реакција се јавија од клиничката болница „Аџибадем Систина“ од каде нагласуваат дека апелот за помош е лажен. Оттаму им порачуваат на граѓаните да внимаваат, бидејќи кај нив нема хоспитализирано бебе кое наводно се бори за живот, а чија мајка е извесна Мимоза од Тетово. Од Систина апелираат да се внимава на информации од ваков тип и да не се наседнува на лажни повици за донации.
„Почитувани, Клиничката болница „Аџибадем Систина” ве известува дека во болницата не е хоспитализирано бебе кое наводно се бори за живот, а чија е мајка е извесна Мимоза од Тетово. За случајот на социјалните мрежи се шири повик за донации. Станува збор за лажна објава. Повикуваме граѓаните да бидат внимателни и да не наседнуваат на вакви и слични повици. Објавата во која се повикува за помош ја споделува извесна Радица Динев“, напишаа на Фејсбук од клиничката болница.
Почитувани,
Клиничката болница „Аџибадем Систина” ве известува дека во болницата не е хоспитализирано бебе кое наводно…Posted by Acibadem Sistina Hospital on Friday, April 9, 2021