Фудбалската федерација на Португалија (ФПФ) во соработка со полицијата открила дека се продаваат лажни билети за утрешниот бараж натпревар во Порто против Македонија за пласман на Мундијалот во Катар.

ФПФ и полицијата фатиле препродавачи на билети на црно, но и фалсификатори кои се обиделе да ги измамат заинтересираните навивачи.

Натпреварот во финалето од баражот за пласман меѓу Португалија и Македонија ќе се игра утревечер на стадионот „Драгао“ во Порто и на него ќе присуствуваат и македонски фанови.

Капацитетот на „Драгао“ е 50.003 седишта и според пропозициите на УЕФА и на ФИФА, на гостинските навивачи им следуваат билети од 5 отсто од капацитетот на стадионот. Тоа значи дека „фалангата“ ќе добие околу 2.500 билети, а цената на еден билет се продава за 820 денари.