ВМРО на Каракачанов не влегува во Парламентот со 54,63% пребројани гласови

Красимир Каракачанов / Фото Архива на Слободен печат

ВМРО не ја преминува границата од 4% за влез во новото Национално собрание. За таа партија, според податоците на бугарската Централна изборна комисија до 9,30 часот гласале 3,55% од граѓаните, со 54,63% на сто обработени протоколи на СИК во РИК.

Партијата на досегашниот бугарски премиер, Бојко Борисов ГЕРБ  има 24,88% од гласовите на изборите за 45-то Национално собрание.

Партијата на шоуменот Слави Трифонов „Има таков народ“ освои 18,74%, додека главната опозициски партија  БСП заостана многу и собра поддршка од 14,91% од гласовите.

„Демократска Бугарија“ цврсто ја престигна ДПС и собра 10,53%, додека ДПС освои 8,99% од гласовите. „Исправи се. Мутри надвор“ собра 4,98% од гласовите.

Под прагот остануваат партијата на најбогатиот бугарски бизнисмен, кој се крие од правдата во Дубаи – Васил Божков, чија формација БНО доби 3,14 отсто, како и партијата „Преродба”, која има 2,79 проценти од гласовите.

Извор: Днес.бг

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот