ВМРО-ДПМНЕ: Зошто нема предмет за признанието на Заев дека нелегално ја финансирал 1ТВ?
Опозициската партија ВМРО-ДМПНЕ излезе со соопштение, кое уследи откако портпаролот на СДСМ, Костадин Костадинов одржа прес-конференција, на која апелираше Јавното обвинителство да отвори случај и докрај да го истражи работењето на Мицкоски во ЕЛЕМ.
-Кога веќе Костадинов отиде во обвинителство покрај целосните изнесени невистини за Панче Тошковски да одговори дали ја праша Рускоска: Зошто обвинителство молчи за криминалот на Зоран Заев? Зошто нема предмет за признанието на Заев дека нелегално ја финансирал 1ТВ и знаел за рекетот со старечки домови на Бојан Јовановски? Зошто Рускоска ја сопре истрагата за поткуп на гласачи во Струмица со што на Заев му подари уште една амнестија? Зошто Рускоска сè уште молчи и не покренува истрага за диктирањето на Заев на пресуди и одлуки на Врховниот суд?- стои во соопштението од ВМРО-ДПМНЕ.