Заев е срам за државата, после вакви антидржавни ставови оставката е неминовен чекор
Нема Македонец кој не се срами од додворувањето на Заев кон бугарската влада на штета на македонските интереси, реагираат од опозицијата на интервјуто на премиерот Заев за бугарската БГНЕС.

-Зоран Заев го продава македонскиот идентитет, јазик и историја. Зоран Заев се откажа од Гоце Делчев црвената линија на македонскиот идентитет. Од среде Скопје Заев кажа дека Бугарите биле ослободители во втората светска војна, и со тоа ги израмни македонските партизани со бандити.
Зоран Заев се откажа и ја погази жртвата на Орце Николов, Раде Јовчевски Корчагин, Стив Наумов, Вера Јоциќ, Борка Талески, Методија Андонов Ченто, и плејада други знајни и незнајни јунаци кои животот го положија за слободна Македонија. Македонското малцинство во Бугарија е предадено и продадено од Заев- велат оттаму.

Од ВМРО-ДПМНЕ велат дека Заев ги урнисува темелите на македонската држава и нејзината најголема победа АСНОМ.

-Зоран Заев не треба да чека народот да го смени, бидејќи тоа ќе се случи, туку сам уште веднаш да си даде оставка- стои во соопштението на опозицијата.

Нашата историја е заедничка. Нека го почувствуваат тоа граѓаните на двете земји. Да го немаше Гоце Делчев, ќе мораше да го измислиме за да не обедини. Ова го рече премиерот на Република Северна Македонија Зоран Заев во интервју за БГНЕС.

Пендаровски: Реални шанси за договор со Бугарија не постојат