ВМРО-ДПМНЕ втор ден на „Протест сега за да не биде предоцна“: Оставка на Заев, слобода на народот
Македонија се обединува против Зоран Заев, против заедничкиот противник, против негаторите на македонската историја, идентитет и јазик. Сѐ повеќе луѓе се охрабруваат да застанат во редот на одбраната на она што е свето и за кое се бореле и гинеле генерации, а кое сега се распродава, се вели во соопштението на ВМРО-ДПМНЕ кој втор ден е на авто-протест што денеска денеска се одржува во седум града низ државата – Тетово, Куманово, Велес, Кавадарци, Прилеп, Битола и Охрид.
– Сѐ повеќе граѓани на Република Македонија, кои имаат разлики по многу точки, се обединети во едно, бидејќи знаат дека нема назад од тука. И не отстапуваме ни чекор од она што е наше. За доброто на Македонија, порачуваме заеднички: Оставка на Заев, слобода на народот, порачуваат од опозициската партија.
https://www.facebook.com/vmromakedonija/posts/10159210007149260
Од ВМРО-ДПМНЕ за утре најавуваат нов протест во главниот град, како вчерашниот, со автомобили за запазување на мерките против коронавирусот.
– Скопје ја сака слободата која е скапо платена и Скопје протестира. Повикувам на сенароден протест утре, со почеток во 12:30 часот кој ќе заврши пред Владата на Македонија. Поради заразата со коронавирусот, протестот ќе биде со автомобили и во 12:30 часот ќе се тргне кон Владата од две локации, СЦ „Борис Трајковски” во Општина Карпош и СЦ „Јане Сандански” во Општина Аеродром“, информираат од опозициската партија.