ВМРО-ДПМНЕ: Синот на Талат со неправо влегол во правосудниот систем и ќе дели правда

Талат Џафери/Фото: МИА

Очигледно за Ковачевски и СДС коалициските интереси се поважни од погазувањето на законите. Скандалот кој излезе за положениот правосуден испит на синот на спикерот Талат Џафери покажа дека институциите во Македонија се заложници на партиските интереси на СДС и ДУИ.

Да имаше правна држава уште првиот ден ќе се спроведеше истрага и ќе беа казнети прекршителите на законот, се вели во денешното соопштение на ВМРО-ДПМНЕ.

Имено синот на Талат Џафери полагал правосуден испит пред да стекне соодветно образование, а институциите со денови молчат и се прават ненадлежни. Ова е директно кршење на нормите и законите во Македонија, а да биде поапсурдно на тој начин лицето се запишал и на Академијата за судии и обвинители. Со неправо влегол во правосудниот ситем и ќе дели правда?!, се вели во соопштението.

Скандалот излезе во јавноста и власта молчи. Прават се да го забошотат случајот. Ова е владеењето на правото и правната држава по урнекот на Ковачевски и СДС. Ова се европските стандарди со кои им е полна устата на владините функционери. Власта на Ковачевски ќе биде казнета од народот и за овој скандал, како и за низата други во кои е длабоко заглавена. СДС се свесни за тоа, па сега голтаат кнедли, само и само да се задржат уште некој месец повеќена функција да украдат уште некој милион. Одговорност мора да има, велат од ВМРО-ДПМНЕ.

Видео на денот