Не очекувавме на Вилма Рускоска и Добрила Кацарска да им се допаднат спотовите на ВМРО-ДПМНЕ кои ја отсликуваат вистината, исто како што на Македонија не ѝ се допаѓа тоа што во државата се амнестира криминалот велат од опозициската партија по нивните реакции за спотовите од изборната кампања.

-Очигледно Вилма Рускоска и Добрила Кацарска освен тоа што не реагираат за криминалот во државата, се чини дека стануваат и адвокати на Зоран Заев. Сигурни сме дека јавноста има уште една шанса на дело да ја види нивната улога, овојпат како цензор на СДСМ против кампањата на ВМРО-ДПМНЕ.

-А, за второто видео за кое реагира Вилма Русковска и Кацарска ја отсликува жалната реалност дека Русковска и Кацарска станаа синоним за неправдите на Зоран Заев и Луј Витон правниот систем во Република Македонија. Истиот тој систем овозможува неказнивост на криминалот, а тоа ќе се реформира по 15 јули, велат од опозицијата.

Кацарска претходно истакна дека се злоупотребуваат парите на граѓаните, бидејќи тоа се пари кои партиите ги добиваат за претставување на програмите, а таа не е кандидат за пратеник. Рускоска од друга страна, преку полномошник доставила опомена пред тужба за клевета.

Рускоска со опомена пред тужба до ВМРО-ДПМНЕ, бара извинување толку пати колку што и спотот бил емитуван на секоја од телевизиите