Опозициската ВМРО-ДПМНЕ денеска преку соопштение излезе со нови детали  за, како што ја нарекуваат, коалицијата на премиерот Зоран Заев со поранешниот директор на УБК, Сашо Мијалков.

„Коалицијата Заев – Мијалков се повеќе излегува на виделина. А доказите се насекаде. Мијалков се појавил во ЈО во 16 часот, а театарот пред камери го прави во 16.40 часот. Што правел Мијалков 40 минути и дали ЈО го пуштило да прави циркус пред камери? Мијалков наместо веднаш во куќен притвор глумел изненаден, и му правел на Заев простор за промоција“, се вели во соопштението.

„Две минути откако се снимал Мијалков пред ЈО, Заев се јавува со фејсбук објава каде што се фали дека тој вршел притисок Мијалков да се предаде. Режијата е премногу очигледна. Заев и Мијалков се цело време во комуникација. А да не беше ВМРО, народот и меѓународната заедница Мијалков сега ќе беше на слобода, бидејќи тоа беше планот на Заев, за да можат да прават вештачка криза во ВМРО“, се вели во соопштението на ВМРО-ДПМНЕ.