ВМРО-ДПМНЕ повторно протестираше против поскапувањето на струјата (ФОТО)
ВМРО-ДПМНЕ денеска во 14 часот го започна вториот протест против поскапувањето на струјата.
Како и пред два дена така и денеска граѓаните на протестот маршираа до зградата на Регулаторната комисија за енергетика, каде со автомобили ја блокираа улицата.
На маршот присуствува лидерот на ВМРО-ДПМНЕ, Христијан Мицкоски, како и останатите партиски функционери, како Владо Мисајловски, Александар Николоски и Игор Јанушев.
Дел од партиското раководтсвото влегоа во зградата на Регулаторната, но набрзо излегоа со образложение дека никој не ги примил.
Како што изјави Мисајловски, во институцијата наишле на затворена врата.
– Влеговме во Регулаторната комисија, но никој не ни отвори да го поднесеме ова барање – да се врати цената на струјата и да си поднесат оставка сите членови на Регулаторната комисија и претседателот кои се партиски кадри – изјави Мисајловски.
