Пратеникот на ВМРО-ДПМНЕ, Зоран Илиоски изјави дека опозицијата нема да го поддржи Законот за поништување на лустрацијата.

Како што вели Илиоски, Законот е во целосна спротивност на европските вредности и демократски принципи и од таа причина ВМРО-ДПМНЕ нема да го поддржи.

– Децата на кодошите си ги амнестираат своите предци. Со СДСМ Македонија стана единствена држава во Европа во која нема лустрација на кодошите на комунистичкиот режим, кои цели кариери изградија врз база кодошење на македонските патриоти, но и недолжни граѓани. Македонија е единствена држава во Европа, во која кодошите на комунистичкиот режим кои местеа луѓе и уништуваа човечки судбини, наместо осуда, за тоа ќе добијат и пари од државата. Законот кој СДСМ го предлага е во целосна спротивност на европските вредности и демократските принципи и затоа ВМРО-ДПМНЕ нема да го поддржи. Одговорност за кодошите мора да има. И морална и политичка – рече Илиоски.