Опозициската ВМРО-ДПМНЕ регира на обвиненијата  од СДСМ дека градоначалниците на ВМРО-ДПМНЕ не работат, соопштението го пренесуваме во целост:

Градоначалниците од СДСМ немаа проекти, не ги довршија ниту проектите започнати од ВМРО-ДПМНЕ.

Реконструкцијата на стадионот во Битола е проект кој беше почнат од ВМРО-ДПМНЕ, за СДСМ 5 години како централна власт и 4 години како локална власт да не го доврши.

СДСМ ја закочија и гасификацијата која не е мрдната од мртва точка, исто како и изградбата на автопатот Кичево Охрид, закочен е и Клиничкиот центар во Штип, нема работа која ова неспособна власт било на централно ниво, или на локално каде што градоначалниците се од СДСМ, а да е завршена.

Градоначалниците на СДСМ за 4 години не направија ништо, градоначалниците од ВМРО-ДПМНЕ направија повеќе за 6 месеци отколку нивните претходници за 4 години.

Разликата во работа помеѓу ВМРО-ДПМНЕ и СДСМ е очигледна и народот ја гледа.