Во интервју за телевизија Сител, лидерот на опозициската партија ВМРО-ДПМНЕ, Христијан Мицкоски, изјави дека моментално суспендираниот судија, Владимир Панчевски, би можел да се најде на чело на новото обвинителство.

– Нашите забелешки за предлог законот на јавното обвинителство се принципиелни, прво човечкиот ресурс со кој располага СЈО е дискутабилен. Целиот тим гледаме дека е целосно контаминиран од случајот „Рекет“. Тие мора да си се вратат во обвинителствата од каде што биле преземени – рече Мицкоски.

– Вториот дел од мојот одговор е таканаречениот репрезент на Рускоска обвинителството. Тоа е исто како сега ние да предложиме човек кој навистина има репутација и кредибилитет, кој е биран со години за најдобар меѓу луѓето кои се репрезенти во таа фела. Тоа е господинот Владимир Панчевски. Зошто тоа да не е човекот кој ќе го води тоа одделение или обвинителство, истакна Мицкоски.

Поранешниот претседател на Кривичниот суд, Панчевски моментално е суспендиран од работа поради злоупотреби на АКМИС системот.