Анкетна комисија во Собранието за утврдување на нестручно и незаконито работење на СЈО и бившата специјална јавна обвинителка Катица Јанева, бараат од ВМРО-ДПМНЕ. Се поднесува до Парламентот бидејќи тој на предлог на советот на јавни обвинители ја разреши Јанева, велат од пратеничката група на ВМРО-ДПМНЕ.

– Во името на граѓаните кои досега одвоиле 15 милиони евра сакаме да провериме на кој начин се трошеле нивните пари и на кој начин се постапувало во законските постапки, деловодници, законитост на постапки при вработување, можни конфликти интереси при вработување и непотизам, и сомнителни хонорари – рече пратеникот Антонио Милошоски.

„Комисијата треба да го утврди начинот на материјалното и финансиско работење на обвинителството, како и вработувањата. Претседателот и потпретседателот на комисијата ќе бидат избрани од собраниската комисијата за избор и именувања. На комисијата ќе бидат поканети експерти и сведоци кои ќе говорат за работењето на СЈО“, стои во предлог одлуката на ВМРО-ДПМНЕ.