Го повикуваме премиерот во заминување Зоран Заев јавно да објави пред македонската јавност за што точно тајно се преговара во Софија овие денови, се вели во најновото соопштение за јавноста од опозицијата.

– Зоран Заев во интервју за бугарски медиум соопшти скандалозни тези ретуширајќи ја историјата, нашите придобивки од антифашистичката борба, удирајќи по темелите на современата Македонска држава. Дали искажаните позиции за кој не се извини сега се на маса за пазарење со Бугарија- запрашуваат од ВМРО-ДПМНЕ.

Доколку, велат оттаму, Заев јавно не излезе до вечер за што точно преговара и од што точно се откажува ВМРО-ДПМНЕ во текот на утрешниот ден ќе организира блокади на Владата и Министерството за надворешни работи.

Претходно од опзицијата најавија дека денеска во 11 градови низ Македонија ќе продолжат да протестираат со автомобили.

Продолжуваат протестите на ВМРО-ДПМНЕ: Попладнево со автомобили низ 11 градови