Влошена здравствената состојба на Берлускони
Поранешниот италијански премиер Силвио Берлускони мора да се одмора во домашни услови, откако се избори со коронавирусот во септември. Според еден од неговите адвокати, Федерико Чекони, состојбата на 84-годишниот политичар е влошена.
Лекарите препорачуваат целосен одмор, без движење и без работа, објасни тој.
Во исто време, портпаролот на Берлускони за ТАСС изјави дека состојбата на поранешниот премиер е задоволителна, но му требаат „неколку дена одмор”.
На почетокот на септември, на италијанскиот политичар му беше дијагностицирана билатерална пневмонија и лекарите решија да го хоспитализираат. На 14 септември Берлускони беше испишан од болницат и призна дека во одреден момент се чувствувал лошо и стравува за својот живот.
Извор.МИА