Во функција на новонастаната ситуација и оддржување на духот и мотивот кај студентите и професорите на Универзитетите, се оддржува серијалот на активности во овој период со кој непосредно се остварува влијание во справувањето со новите предизвици и креирањето на јавните политики чија промена е нужна, но и за правните обврски и последници од нивната примена по завршување на вонредната состојба, смета иницијаторот и модератор на овие дијалози проректорот на УКЛО проф. д-р Марјан Ѓуровски професор на Факултетот за безбедност-Скопје.

Корона кризата е можност за одредени видови криминално однесување, а не се добри ни прогнозите за периодот по завршувањето на кризата

Очекувано е намалувањето на насилните и имотните кривични дела. Но, рестриктивните мерки значат намалување на уличниот криминал, а тоа не е единствениот вид криминал, а бидејќи секоја криза е нова можност, така и оваа е плодна почва за одредени видови криминално однесување, кои се проблем, како што се семејното и родово заснованото насилство, кривичните дела од омраза, сајберкриминал, кривични дела против јавниот ред и мир, и се разбира, кривичните дела против здравјето на луѓето, стои во соопштението од организаторите на настанот.

-Прогнозите на Европол, се посочува, укажуваат дека е очекуван глобален импакт по завршувањето на пандемијата и зголемување на имотниот криминал, криумчарењето мигранти, трговијата со луѓе и киберкриминалот., изјави за „Утрински брифинг“ на „Слободна ТВ“, универзитетскиот професор, Марјан Ѓуровски.