Според новата студија, пиењето кафе не ги зголемува абнормалните отчукувања на срцето кои се поврзани со зголемен ризик од најчестото нарушување на ритамот на срцето.

Кардиолозите долго време верувале дека срцевите болни не треба да пијат кафе бидејќи содржи кофеин, стимуланс кој го забрзува работењето на срцето.

Меѓутоа, љубителите на кафе можат да здивнат. Стимулансот во кој уживаат милиони луѓе можеби, сепак, не е толку опасен за срцето, но затоа пак, на други начини влијае на здравјето на луѓето, пишува „Волстрит журнал“.

Според новата студија објавена деновиве во „Њу Енгланд журнал оф медисин“ (New England Journal of Medicine), пиењето кафе не ги зголемува абнормалните отчукувања на срцето кои се поврзани со зголемен ризик од најчестото нарушување на ритамот на срцето. Научниците дошле до овој заклучок откако две недели ги проучувале срцата, активноста и сонот на 100 луѓе кои не страдаат од срцеви болести. Тие откриле дека клучниот маркер кој се поврзува со ризикот од срцеви болести е ист и кај оние кои пијат кафе и кај оние кои не пијат кафе.

Тој неправилен ритам на срцето, познат и како атријална фибрилација, може да доведе до формирање на опасни згрутчувања на крвта кои можат да предизвикаат мозочен удар и срцев застој.

„Кофеинот не предизвикува ниту ја влошува фибрилацијата на артериите“, рекол Дипак Бат, директор на Клиниката за болести на срцето „Маунт Синаи харт“ (Mount Sinai Heart) во Њујорк кој не учествувал во спроведувањето на студијата.

Студијата објавена во 2022 година во магазинот „Весник на американската асоцијација за срце“ (Journal of the American Heart Association) покажа дека консумирањето на две или повеќе шолји кафе дневно кај лица со тешка хипертензија го удвојува ризикот од срцева смрт. Меѓутоа, други истражувања покажаа дека умереното консумирање кафе кај општата популација може да го намали ризикот од смрт. Научниците сè уште се обидуваат да ги разберат овие дејства на кафето.

Стотината волонтери кои учествувале во студијата што резултирала со статијата во магазин „Њу Ингланд журнал оф медисин“ (New England Journal of Medicine) биле на возраст од 20 до 70 години, а научниците во текот на истражувањето стриктно го следеле. Постојано носеле електрокардиограми и апарати за мерење чекори и нивото на гликоза во крвта. Учесниците имале и апликација на своите телефони која ги бележила сите локации што ќе ги посетат во текот на денот за научниците да знаат дали биле во кафулиња и продавници со кафе. Научниците секоја вечер ги информирале дали можат да се напијат кафе следниот ден или дали тој ден мора да избегнуваат кофеин.

Учесниците во истражувањето на кои им било кажано дека мора да испијат кафе тој ден, направиле 10 отсто повеќе чекори од оние на кои им било кажано да избегнуваат кофеин, а бројот на чекори што ги преземале оние што пијат кафе растел со зголемувањето на количината на кафе што го испиле.

Во исто време, оние кои пијат кафе спиеле 35 минути помалку секоја вечер. Истражувањата покажуваат дека недостатокот на сон значително го зголемува ризикот од смрт.

Студијата покажала дека учесниците во истражувањето кои пиеле кафе имале зголемен број на предвремени контракции на коморите (срцевите комори): во деновите кога пиеле кафе имале 154 предвремени контракции, а 102 во деновите кога не го пиеле. Прераните контракции вентрикулите може да го ослабат срцето. Мухамед Афзал, доцент по интерна медицина на Медицинскиот центар Векснер на Државниот универзитет во Охајо, рекол дека луѓето со симптоматски предвремени вентрикуларни контракции треба да избегнуваат кафе или да го намалат неговото внесување.

Конечно, учесниците во студијата со побавен метаболизам, секоја ноќ изгубиле по еден час сон, а оние со побрз метаболизам доживеале повеќе предвремени вентрикуларни контракции кога пиеле кафе.

„Вистинското влијание на кафето врз здравјето е комплицирано“, рекол водечкиот автор на студијата Грегори Маркус, професор по медицина и експерт за атријална фибрилација (неправилно чукање на срцето).

Студијата објавена во мај 2022 година во списанието „Аналите оф интернал медисин“ (Annals of Internal Medicine), која користела податоци од 171.616 луѓе, покажа дека умерените пијат кафе имаат 30 отсто помал ризик од смрт, дури и кога други фактори како нивниот социо-економски статус или начин на живот. Придобивките се изгубиле кога го зголемувале внесот на кафе.