Влетал со автомобилот во група на луѓе пред црква – Девојче и жена ЗАВРШИЛЕ под тркалата
Страшна несреќа во која загина девојче (4) и потешко повредена е уште жена (45) се случила во неделата пред црквата во округот Гнајс во Салзбург.
Веднаш по завршување на неделната служба во 11.30 часот, 90-годишен маж со својот автомобил влетал во група на луѓе кои излегувале од црквата.
Жената и детето останале приклештени под автомобилот, па пожарникарите морале да ги извадат. Лекарите на итната помош успеале тешко повреденото дете да го реанимираат и потоа со хеликоптер било пренесено во салзбуршката болница. Но за жал, девојчето подлегнало на повредите во болницата.
+++UPDATE+++ Das heute in Salzburg vor einer Kirche angefahrene Kind ist tot. Der Lenker (90) hatte Gas mit Bremse verwechselt.
Publiée par Kronen Zeitung sur Dimanche 25 août 2019
Жената која е исто така повредена во несреќата, нема поврзаност со детето. Полицијата претпоставува дека до трагедијата дошло бидејќи старецот по грешка притиснал на педалата за гас, наместо за кочница и ја покосил жената и детето пред црквата.
Тој бил видно потресен и рекол на полицијата дека тргнал по сопругата после завршувањето на службата во црквата. Истрагата ќе ја покаже вистинската причина за несреќата.