Влатко Стефановски со „Тафталиџе шафл“ номиниран за престижната награда „Импала“
Новиот албум „Тафталиџе шафл“ (Taftalidze Shuffle) на Влатко Стефановски е номиниран за наградата „Импала“.
„Тафталиџе шафл“ е еден од 25-те номинирани албуми од сите делови на Европа кој е во издание на најголемата дискографска куќа во регионот – „Croatia Records“
Номинацијата за најдобар албум е од страна на членовите на Регионалното здружение на независни дискографи (РУНДА).
„Оваа година списокот вклучува 25 врвни албуми. Ова е одличен начин да се посочат одлични музичари што доаѓаат од разни делови на Европа. 2020 година беше тешка година, но оваа листа на номинирани е „ветер во грб“ за добар почеток на 2021 година“, вели извршниот директор на „Импала“, Хелен Смит.
ВИДЕО | Влатко Стефановски: „Тафталиџе шафл“ не е албум за еден ден, ќе трае многу години
Меѓу номинираните албуми може да се сретнат различни музички стилови.
Посветено на неговото незаменливо Тафталиџе, како автор на музика, текст и аранжман се потпишува самиот Влатко на сите 9 песни кои ги носи албумот.