Британската полиција и официјално ги идентификуваше сите 39 луѓе, чии тела минатиот месец беа пронајдени во приколката-ладилник во близина на Лондон, а виетнамската полиција соопшти дека сите жртви биле Виетнамци, пренесе „Ројтерс“.

Во соопштението на Министерството за јавна безбедност на Виетнам се наведува дека жртвите биле со потекло од градовите Хајфонг и Хај Зионг и покраините Нге Ан, Ха Тин, Кванг Бин и Хуе.

Британската полиција наведува дека и официјално ги идентификувала сите 39 жртви во случајот и дека ги известила нивните семејства.

– Ова е важен чекор во истрагата и ни овозможува да работиме со нашите колеги од полицијата во Виетнам за да им пружиме поддршка на семејствата на жртвите – рече Тим Смит, полициски претставник задолжен за истрагата.

За потсетување, полицијата во Есекс на 23 октомври откри приколка-ладилник во која се наоѓаа 39 тела на луѓе за платиле од Белгија, во приколка да бидат пренесени во Англија.