Владе Дивац примен во Куќата на славните на НБА
Поранешниот кошаркар на ЛА Лејкерс, Сакраменто кингс, Шарлот хорнетс, Владе Дивац ќе биде примен во куќата на славните на НБА лигата, објави новинарот на ЕСПН, Адријан Војнаровски.
Via the International Committee, Vlade Divac has been chosen for induction into the Naismith Basketball Hall of Fame Class of 2019, sources tell ESPN. He’s one of seven NBA players with 13K points, 9K rebounds, 3K assists and 1,500 blocks. Divac had a storied FIBA career.
— Adrian Wojnarowski (@wojespn) April 6, 2019
Приемот на новите членови на Куќата на славните ќе се одржи во Минеаполис од 6 до 8 април за време на фајнал фор турнирот во НЦАА лигата.
Освен Дивац во конкуренција за прием во класата 2019 година беа уште и Крис Вебер, Маркес Џонсон и Бен Волас кои не беа избрани.
Владе Дивац во НБА лигата играше 16 години и тоа за екипите на ЛА лејкерс, Шарлот и Сакраменто каде и моментно ја извршува функцијата претседател на кошаркарски операции.
Тој е еден од седумте кошаркари кои постигнале повеќе од 13.000 поени, 9.000 скокови, 3.000 асистенции и 1.500 блокади.