Од собраниската говорница одговарајќи на пратеничко прашање, премиерот Зоран Заев денеска рече дека утре очекува да бидат заокружени законските решенија во врска со работата на извршителите.

Премиерот изрази надеж дека во сабота Владата ќе ги усови овие законски измени. Станува збор за законски решнија со кои ќе се бришат каматите на долговите на граѓанитет во сите институции, јавни и државни. Се работи за трошоци за вода, смет и канализација.

– Целта на овие законски решенија е да ги избришиме каматите и да им дадеме на граѓаните можност да си го платат главниот долг кон државата на рати. Од овие камати граѓаните и да сакаат да платат не можат бидејќи се високи, немаат од каде. Ние го формиравме ова законско решение и утре ќе го објавиме во детали, а Владата ќе го пушти во парламентот – рече Заев.