Владата обезбеди материјална помош и домување за Атиџе и осумчленото семејство во „Медена земја“ - Слободен печат

Владата обезбеди материјална помош и домување за Атиџе и осумчленото семејство во „Медена земја“

Владата ги презема патните трошоци за патувањето на петчлената филмска екипа и за хероината на филмот Атиџе Муратова на доделувањето на Оскарите.

Владата донесе одлука за материјална помош и поддршка на авторите и протагонистите на филмот „Медена земја”, кој по серијата меѓународни филмски признанија, е номиниран за највисоката филмска награда „Оскар” во две категории, објави вечерва на својот фејсбук профил техничкиот премиер Оливер Спасовски.

– Обезбедуваме материјална помош и домување за Атиџе Муратова и осумчленото семејство што учествуваше во филмот, а за авторите, петчлената екипа која го сними филмот признание за успехот и месечен материјален надомест.  За широка афирмиција на големите и благородни пораки што ги пренесува филмот, Владата ќе ја поддржи организацијата на серија едукативни настани за темите што ги отвора филмот, и организирано прикажување на филмот „Медена земја” во сите средни училишта во земјата, на универзитетите и во домовите на култура, како и заедничко гледање на филмот со децата од малите групни домови, и лицата од социјален ризик, наведува Спасовски.

Прочитајте и...  Извештајот на Европската комисија од 2 до 4 март

Владинатата прес-служба, соопшти дека Министерството за труд и социјална политика е задолжено да ги преземе сите потребни активности за материјална помош и домување за Атиџе и нејзиното семејство, а Министерството за култура да обезбеди државна награда соодветна за достигнувањето на екипата што го сними филмот, која треба да предвиди признание за успехот и месечен материјален надомест.

Владата и препорача на Агенцијата за филм да организира прес-конференција на која ќе се разговара за улогата на владината агенција и фер распределбата на буџетските средства за поддршка на македонски филмови, и на прес-конференцијата да се поканат и продуцентите односно филмската екипа.

Министерството за животна средина и просторно планирање треба да организира серија едукативни настани за темите што ги отвора филмот, а Министерството за култура, во соработка со Министерството за образование и наука, да организираат емитувања на „Медена земја” за сите средни училишта, на универзитетите и во домовите на култура.

Прочитајте и...  Француските медиуми ги оценуваат предвремените парламентарни избори како голем тест за проевропската политика на Заев

Канцеларијата на претседателот на Владата, пак, презема обврска, во соработка со продуцентите на филмот да организира бесплатно емитување на филмот за граѓаните во кината, како и заедничко гледање на филмот со децата од малите групни домови, и лицата од социјален ризик.

Како дел од одлуките за признание за авторите и протагонистите на филмот „Медена земја”, Владата ги задолжи Генералниот секретаријат, во соработка со Агенција за филм и Канцеларијата на премиерот, да ги преземат патните трошоци околу патувањето на петчлената филмска екипа и протагонистката на доделувањето на Оскарите.

Прочитај повеќе

Три четвртини од австралиските граѓани се погодени од пожарите во земјата

Слободен печат

Град Скопје вечерва ќе ја презентира програмата за работа на „Лајка“

Слободен печат

Парламентот на Република Српска ги поддржа барањата за промени во Уставниот суд

Слободен печат

Советник на Џонсон поднесе оставка поради расистички коментари на интернет

Слободен печат

Таткото на Асанж е загрижен дека неговиот син ќе се соочи со смртна казна доколку биде екстрадиран во САД

Слободен печат

Виолинистот Груби разочаран: Со две илјади евра уметност не бива

Слободен печат

Остави Коментар

оне × 5 =

Прочитај повеќе

Спротиставени мислења за носењето на Законот за ЈО

Слободен печат

Оваа зима има најголем број на мигранти во Србија од 2016 година

Слободен печат

Јужнокорејскиот претседател побара зајакнување на економијата поради епидемијата на коронавирусот

Слободен печат

НАТО се подготвува да го подигне знамето на Северна Македонија

МИА агенција

Старите лица ќе добиваат нега дома на државен трошок

Весна Дамчевска

Времето денеска сончево и топло, од утре заладување и дожд

Слободен печат