Владата до нашата редакција испрати демант поврзан со веста која „Слободен печат“ ја објави од полицискиот билтен на МВР, во која читко пишува дека при пожар се запалило возило во припадност на Владата.

Оттаму ја демантираат веста, посочувајќи дека возилото за кое пишува МВР не припаѓа на Владата.

-Ви посочуваме дека според информациите на Службата за општи и заеднички работи во Владата на Република Северна Македонија, возилото за кое се пишува во вашиот текст дека е опожарено не е во сопственост на Владата на Република Северна Македонија- стои во демантот од Владата.

Во дневниот билтен на МВР пак, јасно пишува дека опожареното возило „ауди“ е всушност владино.

– Утрово во 02:30 часот во СВР – Скопје било пријавено дека на паркинг простор на ул.„Кеј Димитар Влахов”, настанал пожар, при што била опожарена сува трева и заден дел на паркирано патничко возило „ауди 4″, без регистарски ознаки, сопственост на Владата на Република Северна Македонија, соопштуваат од МВР- е наведено во дневниот билтен на МВР.

Во пожар во Скопје изгоре владино возило