6.8 C
Скопје

Владата ги утврди законите за имплементација на четвртиот пакет мерки

Владата на денешната 14-та седница го утврди Предлог-законот за финансиска поддршка на работодавачите погодени од здравствено економската криза предизвикана од вирусот ковид-19, за исплата на платите за октомври, ноември и декември 2020 година.

Со овој закон, информираат од владинатапрес-служба, се уредуваат условите и постапката за добивање на финансиска поддршка на работодавачите погодени од здравствено-економската криза предизвикана од вирусот ковид-19, заради исплата на платите на работниците за месеците октомври, ноември и декември 2020 година.

На предлог на Министерството за финансии, денеска е утврден и предлогот за Закон за изменување и дополнување на Законот за данокот на додадена вредност, кој исто така како и Предлог-законот за финансиска поддршка на работодавачите е дел од четвртиот пакет за справување со економската криза предизвикана од коронавирусот.

Прочитајте и...  Во ковид центрите има 160 слободни кревети, хоспитализирани 1.268 лица

-Со денот на влегувањето во сила на измените и дополнувањата од Законот за данокот на додадена вредност од 1 јануари ќе се изврши ослободување од данок на додадена вредност за донации дадени кон буџетски корисници за справување со коронавирусот Ковид-19. Исто така ќе се одложи рокот за плаќање ДДВ заради ликвидносна поддршка на компаниите, соопштија од Владата.

Заради олеснување на процесот на издавање, пренос и прием на фактура, ќе се даде можност за користење на фактура во електронска форма (pdf или друг електронски формат).

Од 1 јануари 2021 година, се пропишува одредба за примена на повластена даночна стапка од 10 отсто за продавањето храна и пијалаци за консумација на лице место и кетеринг услуги, со исклучок на алкохолни пијалаци. Исто така, се пропишува одредба за примена на повластена даночна стапка од 5 отсто за определени занаетчиски услуги кои се вршат од страна на занаетчии што се запишани во занаетчиски регистар.

Прочитајте и...  Национален сојуз на слепи до Владата: Редно време е да се исполни ветувањето за 15 отсто зголемување на додатоците за попреченост

Владата ги прифати и дополнувањата на Уредбата за начинот на организирање и реализирање на наставата во вонредни околности во основните и средните училишта, согласно кои, во случај на влошување на епидемиолошката состојба, проверувањето на постигнувањата на учениците ќе може да се врши и без физичко присуство на учениците, според упатствата за спроведување на проверка на постигнувањата на успехот на учениците без физичко присуство, изготвени страна на Бирото за развој на образованието и Центарот за стручно образование и обука.

Поврзани вести

Германија веќе се подготвува за нова пандемија

Слободен печат

ВИДЕО: Историски чекор кон декриминализација на марихуаната во САД

Слободен печат

Вирусолог од Вухан: Во Азија има уште коронавируси кои можат да се пренесат на луѓето

Слободен печат

Судот го презакажа судењето за убиството на Оливер Ивановиќ

Илинка Иљоска

Села: Одредени пратеници ќе ја злоупотребуваат можноста за онлајн-присуство

Слободен печат

Николов: Изградба на 100 типски куќи за социјално ранливите, во 21 век секој заслужува топол дом

Слободен печат

Остави Коментар