Од Владата преку Твитер тврдат дека директорот на Државниот пазарен инспекторат (ДПИ), Стојко Пауновски три пати бил писмено информиран за непостапување во случајот со преземањето на рамковно вработените од Министерството за политички систем и за односи меѓу заедниците.

„Пауновски е детално информиран за неговото непостапување – ДПИ доби дописи на 5, 10 и 21 април од министерствата за политички систем и информатичко општество и администрација. Имаше и повеќе усни укажувања.“, пишува на Твитер профилот на портпаролот на Владата.

Пауновски е детално информиран за неговото непостапување – ДПИ доби дописи на 5, 10 и 21 април од министерствата за политички систем и информатичко општество и администрација. Имаше и повеќе усни укажувања.

— Портпарол на @VladaMK (@portparolVRSM) April 25, 2021

Од таму додадоа и дека во меѓувреме Пауновски не побарал средба, не разговарал и не предложил начин на решавање на евентуалните предизвици.

Во меѓувреме не побарал средба, не разговарал и не предложил начин на решавање на евентуалните предизвици.

— Портпарол на @VladaMK (@portparolVRSM) April 25, 2021

Ова соопштение од Владата следи по изјавата на Пауновски за Алсат, дека не добил никакво укажување од Владата за неговото однесување.

Пауновски: Немам добиено никакво укажување од Владата за моето однесување