Косовската Влада објави дека ниту на денешните преговори со српската страна во Брисел, кои се одвиваат со посредство на специјалниот пратеник на Европската унија за дијалогот меѓу Приштина и Белград, Мираослав Лајчак, не е постигнат виден напредок во правец на приближувањето на ставовите.

Како што  јави дописникот на МИА од Приштина, во соопштението од кабинетот на премиерот Авдулах Хоти се наведува дека на денешната рунда преговори, предводени од координаторот на косовската Влада за дијалогот, Скендер Хисени и директорот на српската Канцеларија за Косово, Петар Петковиќ, станало збор за пензиите и катастарот.

– Оваа дискусија беше продолжение на третирањето на истите прашања од минатата средба одржана на 29 октомври. И по една долга расправа се уште нема значително приближување на ставовите. Во секој случај, постигната е согласност расправата за овој елемент на сеопфатниот договор меѓу двете земји да продолжи на наредната средба, се вели во соопштението.

Извор.МИА