Кога ќе се спомне руска кујна нешто што прво ви доаѓа на ум е руската салата која е особено популарна во овој период. Типично за руската кујна е што изобилува со богатство од рецепти чии главни состојки се риба, живина, печурки, шумски бобинки и мед во десертите.

Овој викенд ви предложуваме да ја подготвите оваа руска чорба , популарна под името Шчи која ќе ве освои при првата изедена лажица. Богата со телелешко месо и многу здрав зеленчук, а киселата зелка го дава оригиначниот вкус на оваа чорба или супа.

Состојки:

– 1 кг телешко месо
– 500 гр кисела зелка
– 3 компир
– 2 главици кромид
– 2 морков
– 2 домати
– пола китка магдонос
– ловоров лист
– 20гр бибер во зрно

Подготовка:

Прво месото треба убаво да се свари. Подготовката трае околу еден час во длабок сад со вода со неколку ливчиња ловоров лист и црн пипер во зрно.

Откако убаво месото ќе се исече на коцки и во истата течност колку е преостаната во самото тенџере од варењето на месото се додаваат киселата зелка, компирите и доматите и се варат заедно со месото уште 20 минути.

Во друга тава на оган со масло се става морковот, кој е претходно убаво изрендан на ситно заедно со ситно исечканиот кромид да се запржат заедно неколку минути, а потоа се додаваат во тенџерето со сите состојки и се варат уште 10 минути кога се додава и магдоност кој е исто така убаво исечкан.

По желба декорирајте со малку кисела павлака и парче лимон. Се сервира супата додека е топла.

Добар апетот!