Вкусови што се памтат: Руска кујна – Руски компир со ракчиња (РЕЦЕПТ)

од Слободен Печат20/11/2020 - 17:1020/11/2020 - 18:260

Кога ќе се спомне руска кујна нешто што прво ви доаѓа на ум е руската салата која е особено популарна во овој период. Типично за руската кујна е што изобилува со богатство од рецепти чии главни состојки се риба, живина, печурки, шумски бобинки и мед во десертите.

Петок, сите имаме повеќе време па затоа се одлучивме за еден малку помодерен рецепт кој веруваме ќе им се допадне и на најпребирливите

Состојки:

– 300гр ракчиња
– 1 главица кромид
– 4 средни компири
– 1 парче лимета
– 150мл масло
– 1/2 лажиче свежо мелен црн бибер
– 200мл бело вино

Подготовка:

Пред употреба ракчињата треба да бидат добро измиени и посолени.

Во длабока тава за пржење ставете малку маслиново масло и ставете кромид малку да се запржи, а потоа додате ги ракчињата и убаво запржете ги. Во тавата додадете го белото вино и оставете ги неколку минути да впијат ракчињата од виното.

Прочитајте и... Италија го блокираше ТикТок за дел од корисниците по смртта на девојчето кое учествувало во предизвикот со задржување на здивот

Во друг сад длабок огноотпорен сад сварете ги компирите потоа излупете ги и исечкајте ги на коцки. Потоа врз компирите додадете ги ракчињата заедно со течноста од вино и кромид. Измешајте ги сите состојки внимателно и оставете ги на тивок оган уште 5 мунути.

Тргнете го садот од оган и послужете во длабок сад. Попрскајте со свеж сок од лимета.

Добар апетит!