Многу риба, морски плодови, суфлаки, фета сирење, грчка пита и многу слатки десерти ја карактеризираат грчката кујна. Свежите производи, употребата на ароматизирани растенија и зачини, маслиновото масло и едноставноста се основни карактеристики на грчката кујна.

Суфлаки е многу повеќе од месо на стапче. Еден од најбараните специјалитети на грчката кујна кој се прави од свинско, пилешко или јагнешко месо исечено на коцки.

Маринирањето е најважно во подготовката на секое суфлаки во микс од зачини

Состојки:

1кг свинско месо (каре)

За маринада:

– 2 лимони
– 3 лажички оригано
– 1 лажиче сув рузмарин
– 1 лажиче мајчина душичка
– 1 лажиче сол
– 1/2 лажиче бибер
– 15 лажици маслиново масло
– 15 стапчиња за раженчиња

Подготовка:

Месото се сече на коцки се става во чинија и се посипува побогато со маслиново масло и се додаваат сите зачини од листата за маринада и на крај сокот од лимон.

Меѓу парчињата месо се редат парчиња кромид или лук по желба. Се остава да се впијат сите зачини во месото околу 3 часа. Парчињата месо едно до друго ги нижете на раженчиња.

Најубаво е да ги печете на скара, но ако немате можност тоа нека биде грил – тава.

Се послужува со грчки сос, свежа салата или пржени компири.

Добар апетит!

Вкусови што се памтат: Грчка кујна – Локумадес (РЕЦЕПТ)

Вкусови што се памтат: Грчка кујна – Галотопита (РЕЦЕПТ)