Оваа торта е совршена за викенд уживање. За подготовка на истата воопшто не е потребно да вклучувате рерна. Вкусот на зебра тортата ќе ве освои од прва!

• 180 гр чоколадни бисквити
• 70 гр путер
• 1 лажица млеко
• 30 гр желатин
• 150 мл млеко
• 400 гр павлака
• 300 гр кондензирано млеко
• 200 мл течен шлаг или слатка павлака
• 1 ќесичка ванилин шеќер
• 30 гр какао во прав

Подготовка:

Растворете го желатинот според упатството, додадете 150 мл млеко и оставете малку да отстои. Бисквитите измелете ги во блендер, па додадете 70 гр стопен путер и 1 лажица млеко. Соединете ги состојките. Ставете во обрач и направете кора. Ставете во фрижидер 10 минути.

Изматете 400 гр павлака и кондензирано млеко. Одделно изматете 200 гр слатка павлака или течен шлаг. Додадете неколку лажици крем од кондензираното млеко во желатинот, па сè соединете. Додадетего и изматениот шлаг.

Поделете го филот на два дела, па во едниот додадете ванилин шеќер, а во другиот какаото. Неколку лажици црн фил нанесете врз кората, а потоа неколку лажици бел фил сипете во средина, и така повторувајте наизменично додека не се потроши материјалот. Изладете го колачот, потоа извадете го обрачот и послужете.

На здравје!