Вкусни, ефтини и брзи мафини (РЕЦЕПТ)
Кој би можел да им оддолее на мафините со вкус на чоколадо?
Иако многумина мислат дека е комплицирано да се направат едни од најпопуларните колачи, тоа впрочем не е точно.
За мафини од чоколадо ви се потребни само 5 состојки:
-
4 јајца
-
8 лажици шеќер
-
200гр. чоколадо за готвење
-
1 маргарин
-
16 лажички брашно
Поедноставен рецепт од овој нема да можете да најдете, бидејќи во само три чекори вашите колачи се готови.
Подготовка:
Најпрво што треба да направите е да ги стопите маргаринот и чоколадото. Потоа изматете 4 јајца и шеќер, па додадете ги стопеното чоколадо и маргаринот. Додадете брашно, се добро промешајте и ставете ги во калапи.
Претходно загрејте ја рерната на 220 степени и печете ги 10 минути. Ако внатре сакате потечно чоколадо, намалете го времето на печењето на 8 минути.
Посипете ги со шеќер во прав по желба и послужете.
