Денес ви го носиме вкусот на Италија на вашата трпеза… Фокача е совршен избор за закуска или додаток на вашиот неделен ручек. Со тесто налик на пица, фокачата остава простор за вашата креативност, а нејзиниот вкус ќе ве маѓепса вас и вашите најблиски!

СОСТОЈКИ:

• 375 г брашно
• 15 г свеж квасец
• 5 г сол
• ½ лажичка шеќер
• 100 мл топла вода
• екстра девствено маслиново масло
• ароматични билки (оригано, мајчина душичка, рузмарин)
• крупна сол

ПОДГОТОВКА:

Квасецот измешајте го со вода. Во сад ставете го брашното со солта и шеќерот, па во средина направете дупка и додајте го квасецот и остатокот од водата, па замесете тесто. Додајте малку маслиново масло, за полесно да го работите тестото. Месете го на работна плоча 10-12 минути. Вратете го тестото во садот, покријте го со крпа или пластична фолија и нека стасува еден час.

Во подмачкан плех ставете го тестото и развлечете го со рацете. Намачкајте со масло и нека стасува половина час. На тестото направете вдлабнатити, попрскајте со маслиново масло, ставете сол, билки и зачини, додадете зеленчуци и украсете по желба, потоа тестото го печете во рерна 10-15 минути. На крај премачкајте ја фокачата со маслиново масло и нека отстои пет минути пред да ја послужите.