Валентин Инцко, високиот претставник за Босна и Херцеговина, ги поздрави резултатите од локалните избори на кои опозицијата ги освои двата големи граови на почетокот на овој месец, нанесувајќи им удар на долгогодишните владејачки националисти.

Умерените ја презедоа власта во главниот град на Босна, Сараево и во Бања Лука, административен центар на претежно српскиот ентитет Република Српска, како и во другите поголеми градови низ земјата, на изборите на 16 ноември.

Во Сараево, Бошњачката партија за демократска акција (СДА) од Бакир Изетбеговиќ загуби во трките за градоначалник во три од четири општини кои беа освоени од кандидати на коалиција на умерени партии.

Во Бања Лука, опозициската Партија за демократски напредок ја доби функцијата градоначалник што претходно ја имаше партијата на Милорад Додик предводена од Српската алијанса на независни социјалдемократи (СНСД).
Инцко се согласи дека, и покрај неговиот ран успех, Дејтонскиот договор треба да биде заменет со соодветен устав.