Шпанската кралица Летиција последниве месеци константно е на тапетот на модните критичари и на јавноста поради модните комбинации, кои мноигумина ги сметаат за неприкладни за жена од нејзиниот општествен статус.

По голиот грб и премногу смелите фустани, Летиција сега го привлече вниманието со изборот на обувките, кои според мислењата на многумина не се соодварни за една членка на кралското семејство. Непишано правило е членките на кралското семејство никогаш да не носат обувки што ги откриваат прстите.

Станува збор за сандали со вртоглаво висока потпетица, кои изгледаат како да ѝ се еден број поголеми – трик на жените со помош на кој избегнуваат создавање на плускавци на стапалата. Сандалите ги носела како финален детаљ покрај преубаваиот црн фустан со златни цветови и црната торбичка со златни детали.

Освен поради обувките, кралицата е искритикувана и за шминката, која била појака од што било потребно, иако станува збор за вечерен настан.

Новата фризура на Летиција остави позитивен впечаток. Косата што ѝ беше со средна должина ја скратила во „боб“, и мора да признаеме дека убаво ѝ стои.