Вишокот на резерви стрмоглаво ја турнаа цената на нафтата
Саудиска Арабија и Русија се подготвуваат за искористување на сите расположливи средства и капацитети за производство, а ваквата „војна“ дополнително ќе ја намалува цената на црното злато.
Нафтата од видот брент на почетокот на месецов се тргуваше по цени од над 50 долари за барел, но светските текови и енормното производство ја преполовија оваа цена и сега барел нафта чини 27 долари.
Ваквиот след на настаните доаѓа како резултат на спорот помеѓу Саудиска Арабија и Русија околу производството на црно злато.
Картелот ОПЕК плус од април нема да се обврзува за намалување на квотите.
Во ваква вжештена атмосфера Саудиска Арабија и Русија се подготвуваат за искористување на сите расположливи средства и капацитети, а доколку продолжи ваквата „војна“ очекуван е и понатамошен пад на цената на овој енергенс.