Претходно првите луѓе на најсилната кошаркарска лига на светот објавија дека 16 играчи се позитивни на коронавирус.

Веќе се најавува рестартирањето на НБА лигата, а нејзиниот комесар Адам Силвер предупреди дека доколку на завршницата во Орландо се појави корона, ќе биде прекината сезоната.

Голем шок за навивачите на Бруклин Нетс откако беа потврдени два случаи во само неколку часови.

Прво беше објавено дека заразен е плејмејкерот Спенсер Динвиди, а потоа дојде и информација позитивен на коронавирусот е и најголемата ѕвезда на екипата, ДеАндре Џордан.

Found out last night and confirmed again today that I’ve tested positive for Covid while being back in market. As a result of this, I will not be in Orlando for the resumption of the season.

— DeAndre Jordan (@DeAndre) June 30, 2020

Поради тоа центарот на Нетси нема да биде во Орландо за останатиот дел од сезоната. На 1 јули би требало сите екипи да се соберат и да ги започнат подготовките во Дизниленд.

И натаму постои стравот околу тоа со кои играчи ќе дојдат клубовите, поради ситуацијата со Ковид-19. Тимските тренинзи и натаму се забранети поради правилото за социјално дистанцирање.