Виртуелен Путин ќе биде водител на комична емисија на Би-Би-Си

Фото: Профимедиа

Компјутерски генериран тридимензионален лик на Владимир Путин ќе биде водител на комична интерактивна емисија на Би-Би-Си, заедно со британскиот политички коментатор Алистер Кембел.

Две кратки пилот-епизоди на шоуто „Вечер со Владимир Путин” ќе бидат емитувани на каналот Би-Би-Си 2 следниот месец и во секоја ќе има по двајца гости.

3-Д анимацијата ќе може да се движи на сцената и да седи зад бирото, поставувајќи им прашања на гостите пред публика во студио и сето тоа во живо.

– Заборавете ја светската политика, двете пилот-епизоди наскоро ќе овозможат разговор и конечна победа на Влад, лидерот на слободниот свет – се вели во најавата.

Во еден од скечевите, виртуелниот Путин се обидува да се справи и со „сложените прашања“ околу феминизмот.

Велика Британија и Русија се во затегнати односи по труењето на поранешниот руски шпион Сергеј Скрипал во англискиот град Солзбери минатата година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот